Չգիտեմ ինչ ասեմ: Չէ, գիտեմ՝ ծնողներն են մեղաւոր:
Ամսական պահոցներ՝ Օգոստոսի 2022
Անդրանիկ Վարդանեան
5 Օգոստոսի, 2022
Խանութում.
— Բարեւ ձեզ, կօֆէի ֆիլտր ունէ՞ք
— Ֆիլտր կօֆէ՞
— Չէ, ֆիլտր կօֆէն վերցրել եմ, հիմա ինձ պէտք է կօֆէի ֆիլտր
— Մէկ րոպէ հարցնեմ…
— Անի՜, մենք կօֆէի ֆիլտր ունե՞նք
— Չէ, մենք ֆիլտր կօֆէ չունենք։
— Անի ջան, ո՞նց չունենք, յաճախորդը վերցրել ա ֆիլտր կօֆէ, հիմա կօֆէի ֆիլտր ա ուզում
— Բարեւ ձեզ, կօֆէի ֆիլտր չունենք։
— Բա հիմա ֆիլտր կօֆէն ո՞նց խմեմ։
Ասանկ բաներ…
Մենեջեր
Խանութում.
— Խնդիր կա՞յ վճարման հետ։
— Չէ, ուղղակի ձուն երկու անգամ եմ անցկացրել, սխալմամբ, սպասում եմ մենեջերը գայ հանի։
— Ահ, հասկանալի ա։
հինգ րոպէ անց.
— Իսկ օրուայ մէջ քանի՞ անգամ ա սենց լինում, մօտաւոր էլի։
— Երեւի տասնըհինգ րոպէն մէկ մի դէպք լինում ա։
— Բայց եթէ հեռակայ մուտք ունեն, ապա ինչի՞ են ամէն անգամ գալիս։
— Լաւ հարց ա…
Ու իսկականից, ես համարեայ ամէն օր մտնում եմ խանութ ու շաբաթը գոնէ մի անգամ լինում ա, ու սա շատ պարզ լոգիստիգայի խնդիր ա, որի մասին բոլորը գիտեն։
Ինձ թւում ա, որ մենեջերի գործն ա տնօրինութեանն ասել, որ նման խնդիր կայ, բայց արի ու տես, որ մարդիկ չունեն problem solving խնդրի լուծման մտածելակերպ։
Վաղը բոլոր «սուպերմարկետներին» մեյլ ուղարկեմ, յոյս ունեմ իրենց մօտ ընդունուած է «յաճախորդը միշտ ճիշտ է» մտածելակերպը։ Բայց դէ նոյնիսկ յաճախորդ չլինելով, բոլորս գիտենք, որ Անդրանիկը միշտ ճիշտ է ։Ճ
Ասանկ բաներ…
Անդրանիկ Վարդանեան
2 Օգոստոսի, 2022
դիզայն եւ մատչելիութիւն
Ժամանակակից վեբ ստանդարդներ կան a11y նախագծի մէջ, որոնք բացատրում են ինչպէս կայք ունենալ, որը մատչելի կը լինի բոլոր մարդկանց, լինեն կոյր, վատ տեսողութեամբ կամ իմ նման գոյները չտարբերող:
Այսօր ինձ այս բաժակով են սուրճ բերել
Եթէ խնդիր չէք տեսնում ապա հաւանաբար աջլիկ էք։ Սակայն իմ նման ձախլիկները մի անգամից կը նկատեն, թէ ինչ անյարմար է այս բաժակով խմել։ Քառասունհինգ աստիճան անկիւնով բռնակ, որը բնաւ յարմար չի ձախլիկներին:
Սիրուն դիզայնն ու մատչելիութիւնը տարբեր բաներ են:
Ասանկ բաներ…