Տղաները խնդրեցին որ այս տարի օգտագործենք CTFd հարթակը։ Ընդհանրապէս օգտագործում էինք RootTheBox֊ը։
CTFd֊ն գրուած է Python֊ով։ Այնպէս որ ընդհանրապէս բարդ չի լինի տեղակայել FreeBSD֊ի վրայ։
Այս տարի սերւէրները լինելու են հենց CyHub֊ի դատասենտրում, բայց հարթակը կը տեղադրեմ մի քանի տեղ, որ եթէ հոսանքի խնդիր ունենանք, ապա շատ արագ կարողանանք failover անել։
Օքեյ, սկսում եմ պատրաստել CTF֊ի ինֆրաստրուկտուրան։ Մանրամասները գրառելու եմ այստեղ։
Կարող էք բոլոր գրառումները կարդալ հետեւելով CyHub CTF 2022 պիտակին։
Սկսեցինք։
Ովքեր տեղեակ չեն, Դեկտեմբեր 10-11֊ին տեղի է ունենալու CyHub Armenia֊ի CTF֊ը, Հայերէն՝ «Գրաւիր Դրօշը» մրցոյթը։
Մանրամասների համար, տես՝ CyHub CTF 2022
Տղաները շատ լաւ ելոյթ տուեցին երեկ, ու ներկայացրեցին, թէ ինչ է CTF֊ը եւ ինչ է նրա դերը ռուսական յեղափոխութեան մէջ ինչպէս խաղալ այն.
Ու ունենք նաեւ շատ սիրուն բաններ.
Մինչ շաբաթ օր։
Ասանկ բաներ…
Եթէ ամէն ինչ լաւ ստացուի, աչքիս սկսելու եմ բոլորի գլուխը տանել այս micro գրառումներով։
Արդէն առաջին գրառումն արեցի, շատ յաջող ստացուեց։
Ահա կիսուեմ նկարներով, թէ ոնց ա աշխատում։
Սա գլխաւոր պատուհանն է՝
Սա էլ խմբագրիչն է, որի մէջ հիմա գրում եմ՝
Մի բան միայն դուրս չի գալիս, դա Հայերէն ուղղագրիչն է։ Firefox֊ում շատ լաւ է աշխատում, կարելի է ասել նոյնիսկ 100% դէպքերում ճիշտ է աշխատում։ Իսկ macOS֊ի text box֊ի մէջ մէկ֊մէկ որոշում ա չաշխատել։
Սպասւում է ուղղագրական սխալներ։
Ասանկ բաներ…
Այս պահին փորձարկում եմ MarsEdit ծրագիրը։ շատ հետաքրքիր ա իրականում (։
Մի քանի օր կը փորձարկեմ, եթէ դուրս գայ, հաւանաբար նաեւ կառնեմ։ Ինձ դուր են գալիս Native ծրագրերը։
Գուցէ սենց աւելի շատ գրառեմ։
Ասանկ բաներ…
Տանը հինգ հատ խցիկ ունենք՝ երեք հատ անալոգ, երկու հատ թուային։
Բայց արի ու տես, որ մեր նկարների 99%֊ը նկարում ենք մեր հեռախօսներով՝ այՖոններով կամ Պիքսելով։
Վատ ժամանակներ բոլորիս մօտ լինում են։ Ինձ մօտ՝ շուտ֊շուտ։ Կամ աւտօվթար եմ անցկացնում, կամ ֆինանսական ճգնաժամ, կամ էլ ուղղակի տխուր եմ, որ մի բան լաւ չի ստացւում։
Յետոյ սկսում եմ յիշել Դեյուիդ Ֆոսթերի «This is water» վերնագրով ելոյթը, տանում եմ իր ասածները մի քանի քայլ աւելի խորը եւ հասկանում, որ սա էլ ջուր է։
Կեանքը միայն վերելք չի, ունի անկում, ունի պայքար, ունի ե՛ւ ուրախ ե՛ւ տխուր օրեր։ Ե՛ւ լաւ ե՛ւ վատ ժամանակներ։
Կարեւոր է յիշել, որ ես մենակ չեմ, որ ինձ նման շատ մարդիկ կան, նոյնիսկ՝ աւելի վատ վիճակում։
Ասանկ բաներ…
Հանրապետութեան Հրապարակի վեց մայթերից երկուսը փակ են, մայթի վրայ մեծ «ԱՎԵԼԻ ԲԱՐԵԿԱՐԳ ԵՐԵՎԱՆ»֊եր են դրել:
Խնդիրն այն է, որ չես կարող մայթ3ից գնալ մայթ5 առանց մայթ4ով անցնելու: Հիմա բարձրանում եմ մայթ, ապա իջնում փողոց, որտեղ կամ իրար մէջ մտած մեքենաներ են կամ էլ արագ թռնող մեքենաներ, ապա հետ եմ բարձրանում մայթ:
Իսկ եթէ մէկը սկուտերով ինքնագլորով ա, կամ աւելի վատ դէպքում՝ սայլակով, ապա անհնար ա լինում Հանրապետութեան գլխաւոր Հրապարակում շարժուել:
Ասանկ բաներ…
Ռոբին Ռենդլ֊ը իր բլոգում գրել էր.
Կլինեն բլոգային գրառումներ, որոնք դուք պաշտում եք սակայն ոչ ոք չի կարդում, և կլինեն բլոգային գրառումներ, որոնք դուք կթքէք տասը րոպէի ընթացքում ու կփոթորկեն համացանցը:
Հոգ տար քո բլոգի մասին
Ու իսկականից, երեկ այս ժամերին, երբ մտել էի լուացարան, հեռախօսս հանեցի ու արագի մէջ բլոգեցի այն մասին, որ այՕՍ֊ում առաքել են Դվորակ ստեղնաշար, ու մի քանի ժամ յետոյ մէկ էլ տեսնեմ, որ արդէն քսան հազարից (20,000) աւել դիտում ունի։
Իսկ օրեր առաջ ժամեր եմ ծախսել, որ գրառեմ command հրամանի (հրաման հրամանի ։Ճ) մասին, իր արմատներով, ֆալան֊ֆստան, ու ոչ մէկ չի նկատել դա ։Ճ
Ասածս ինչ ա՝ բարի լոյս։
Ասանկ բաներ…