Ովքեր տեղեակ չեն, Դեկտեմբեր 10-11֊ին տեղի է ունենալու CyHub Armenia֊ի CTF֊ը, Հայերէն՝ «Գրաւիր Դրօշը» մրցոյթը։
Մանրամասների համար, տես՝ CyHub CTF 2022
Տղաները շատ լաւ ելոյթ տուեցին երեկ, ու ներկայացրեցին, թէ ինչ է CTF֊ը եւ ինչ է նրա դերը ռուսական յեղափոխութեան մէջ ինչպէս խաղալ այն.
Ու ունենք նաեւ շատ սիրուն բաններ.
Մինչ շաբաթ օր։
Ասանկ բաներ…
Մի քանի տարի առաջ Apple֊ը աւելացրել էր հնարաւորութիւն տեսնել թէ որ յաւելուածն է կպցնում ուրիշ յաւելուածի պատճենածը:
Երեկ Ucom֊ի յաւելուածը բեռնեցի եւ մէկ էլ տեսայ, որ կպցնում ա իմ սեղմատախտակի պարունակութիւնը։
Փորձեցի վերարտադրել եւ ստացայ տեսանիւթ
Ասանկ բաներ…
Երեկ Էփլը հրապարակեց, որ նոր կարողութիւն են թողարկում iOS֊ի համար՝ Lockdown Mode։
Սա իրականում շատ աւելի կարեւոր է, քան մարդկանց թւում ա։ Հիմնական խնդիրները անվտանգութեան միշտ գալիս են բացթողումների պատճառով։ Դա կարող է լինի ամենապարզ «այս կոճակը չեմ սեղմել» վիճակից, դէպի «համարս հանրային դրած ա» մինչեւ «սխալմամբ յղման վրայ եմ սեղմել»։
Հայաստանում արդէն մի քանի դէպք գրանցուել է գաղտնալսման։ Չնայած նրան, որ դեռ պարզ չի, թէ ովքեր են այդ իրականացրել, բայց կարեւոր դիրք ունեցող մարդկանց՝ լրագրողների, քաղաքական եւ քաղաքացիական գործիչների (երեւի նաեւ նոյնիսկ բլոգերների) համար շատ կարեւոր է մնալ անվտանգ։
Ինչքան էլ նստենք ու փորձենք մարդկանց կրթել, յարձակուողները միշտ մի քայլ առաջ են լինում։
iOS֊ի նոր կարողութիւնը հասանելի է լինելու յաջորդ թողարկման մէջ, անպայման փորձելու եմ, որ տեսնեմ ինչ կը ստացուի։ Յոյս ունեմ իրենց խոստումները կը կարողանան իրականացնել։
Այդ ժամանակ երեւի ոչ թէ կը գրեմ այստեղ, այլ իմ նոր կայքում, որը յատկացրել եմ նման լուրերի համար՝ քաղաքացի.հայ֊ում։
Ասանկ բաներ…