Մոռացել էի ասել, որ այդ երկար գրառումը արեցի, եւ մանրամասն գրեցի թէ ինչպէս է աշխատում իմ OPML֊ի համակարգը։ Իմ գլխաւոր էջն արդէն դրանով է աշխատում ու եթէ ժամանակ ունենամ ապա մի օր ամբողջական բլոգելու համակարգ կը սարքեմ դրանով։

Չէ, չեմ նախատեսում նենց անել, որ ուրիշներն էլ հեշտութեամբ օգտագործեն, իմ կարիքների համար եմ անում, չնայած նրան, որ հաստատ օփն֊սորս եմ անելու ու հանրային հրապարակելու եմ։

Իմ համար գլխաւոր հարց է մնում այն, որ կարողանամ ստանալ ՌՍՍ հոսք, քանի որ առանց ՌՍՍ հոսքի էլ ի՞նչ համացանցի բլոգ։

Սակայն հիմա ունեմ փորձնական մի «բլոգ», որը չունի ՌՍՍ հոսք (դեռ) բայց դէ տեսնենք ինչ կստացուի։

Մինչ։

Պատասխանել մեյլով

Ահագին տանջուելուց յետոյ կարողացայ համայնքներ.հայ կայքը դարձնել OPML ֆայլ։ Առաջ ուղղակի HTML ֆայլ էր, որը խմբագրում էի ձեռքով, բայց դա ինձ բնաւ դուր չէր գալիս։ Իսկ հիմա ֆայլը արդէն նորմալ, մարդկային Outline է, որը սարքել եմ Electric Drummer֊ով։ Ապա օգտագործել եմ XSLT լեզուն այն HTML դարձնելու համար։

Իհարկէ, մանրամասները կը գրէի, բայց դէ երեւի դա կանեմ անգլերէն բլոգում։

Ասանկ բաներ…

Պատասխանել մեյլով

Մի քանի օր առաջ գրանցուեցինք ««ՎԻ-ԷԼ-ՎԻ ԷԼԵԿՏՐՈՆԻՔՍ» ԿԵՆՑԱՂԱՅԻՆ ԷԼԵԿՏՐԱՏԵԽՆԻԿԱՅԻ ԽԱՆՈՒԹՆԵՐԻ ՑԱՆՑ»֊ի կայքում։ Իհարկէ, գրանցման ժամանակ մեյլ է գալիս ինքնութիւնը հաստատելու համար։

Ահա եւ մեյլը՝

Եթէ ձեզ թւում է թէ վատն այն է, որ նամակի վերնագիրն է ({ValidateYourEmail}} (մոռացել են render անել) կամ, որ նամակի մէջ գրած է {{CopyPasteLink}}, ապա հաստատ չէք նկատել, որ From:֊ը նշած է vlvonline2020@gmail.com։

Դէ լաւ, նորմալ մեյլ ուղարկելը ահագին բարդ գործ է, հասկանում եմ, ես էլ եմ շատ ժամանակ սխալ աւտոմատացրել, ես էլ եմ շատ անգամներ ընկել սպամի մէջ։

Բայց չէ, հետաքրքիր մասը սկսում է երբ մտնում ես իրենց կայք՝

Ասանկ բաներ…

Պատասխանել մեյլով

Ինչ խօսք, մենակ Տելեգրամը չի, որ գլխացաւ է։ Այսօր մի քանի ժամ ծախսել եմ Թուիթերը միացնելու համար։ Հազար ու մի ձեւ փորձում են բարդացնել ամէն ինչը։ Մինչուայլ մաստոդոնում մի հատ request֊ով կարողանում եմ ամէն ինչ աւտոմատացնել։

Խնդալուն այն է, որ Հուգինի պաշտօնական ձեւով չստացուեց, ես ստիպուած էի առանձին գործիք սարքել, որը Իւնիքս֊ի հրամանով է թուիթ անում։

Ամէն դէպքում, կարողացայ նաեւ այն սարքել multi-account. ահա, նաեւ խօսենքի անունից թուիթում եմ։

Պատասխանել մեյլով

Մի քիչ տանջուելուց յետոյ կարողացայ միացնել Տելեգրամն ու Թութը։ Արդէն կարելի է մաս֊մաս միացնել նաեւ Լիլիթի բլոգը, իմ անգլերէն բլոգը եւ այլ նախագիծներ որ ունեմ, ասենք Խօսենք֊ը, Systems We Love֊ը, եւ այլն։

Պէտք է ասեմ, ահագին հաւէս է նման համակարգերի հետ աշխատելը։

Հիմա պէտք է հասկանամ ինչպէս միացնել Թուիթերին ու սովորական HTTP Webhook֊երին։

Ամենահաւէսը՝ գրաֆ էլ է գեներացնում։

Պատասխանել մեյլով

Մի քանի ժամ տանջուելուց յետոյ կարողացայ վերջապէս Հուգինը պորտ անել FreeBSD֊ի վրայ։ Աւաղ JavaScript Agent֊ը չի աշխատում, այսինքն չեմ կարող JS գրել համակարգի մէջ, բայց մնացած ամէն ինչն աշխատում ա։

Տարորինակաբար (կամ երեւի ոչ այդքան), ամենաբարդ մասը յայտնի համակարգերն աւտոմատացնելն ա, ասենք Telegram֊ը։ Իսկ բաց բայց ոչ յայտնի համակարգերը, ասենք թութն ու ջաբերը, ահաւոր հեշտ ա աւտոմատացնել։

Տեսնենք եթէ կը կարողանամ փոստերն ուղարկել Տելեգրամ։

Պատասխանել մեյլով

Տասը տարի առաջ՝ 2012֊ին, այս օրը` Յունուարի 17֊ին, մենք եկանք Հայաստան։ Ի տարբերութիւն նախորդ տարիների՝ ոչ հանգստանալու նպատակով, այլ՝ տեղափոխուելու։

Շատ բան է փոխուել Հայաստանում այս տասը տարուայ մէջ։ Մենք այդ տարուայ առաջին թռիչքն էինք նստել եւ եկել Հայաստան։ Այդ ժամանակ ոչ մէկ չգիտէր՝ ինչ է «սիրիահայ»֊ը, շատերը ինձ պարսկահայի տեղ էին դնում։

Առաջին տարին անցկացրել եմ դպրոցում, որտեղ ինձ ասում էին «իմպըրտնի»՝ փորձելով անցակացնել աւարտական տարիս։ Իհարկէ, ի տարբերութիւն միւսների, ես չէի անցնում ռուսերէն։ Այնպէս չէ, որ միւս առարկաներն անցնելուց բան էի հասկանում, հաշուի առնելով որ մենք գիտական նիւթերը, ինչպիսին է Ֆիզիկան եւ Մաթեմը, անցնում էինք Արաբերէն, իսկ վերջին դպրոցական տարիներին՝ Անգլերէն։

Բայց արի ու տես, որ դպրոցի ընկերներիցս ոչ մէկը չի մնացել իմ շրջապատում։ Ոչ Հայաստանի եւ ոչ էլ Սիրիայի։

Հայաստանի ընկերների հետ կապը կորցրեցի Եւրոպայ տեղափոխուելուց, իսկ Սիրիայի ընկերների հետ՝ Հայաստան գալուց յետոյ։

Չնայած նրան, որ ընդունուել էի Հայաստանի Ամերիկեան Համալսարան (գրաբարով՝ ԷյՅուԷյ), բայց մի կիսամեակ սովորելուց յետոյ դուրս եկայ ՀԱՀ֊ից։

Այդ տարիներին նաեւ բոլորի համար տարօրինակ էր այն, որ կարգիչների մէջ էի խորացել։ Հիմա մի տեսակ առաւելութիւն է «ծրագրաւորող» լինելը, բայց այն ժամանակ, Սիրիահայերի նման, ամէն մարդ չգիտէր այդ մասին։

Երկու տարի Հայաստանում ապրելուց յետոյ տեղափոխուեցի Եւրոպայ, սկսեցի Իտալիայից, ապա Ֆրանսիա, ու վերջում Նիդեռլանդներ։ Չնայած նրան, որ ծնողներս ցանկանում էին տեղափոխուել, ինձ, սակայն, հայրենիքի կարօտն էր կանչում։ Զգում էի, որ այս երկրում ինչ֊որ բան ունէի անելու։

Հետ գանք բուն թեմային, հա՞։

Ուշ գիշեր էր, ժամը 2֊ին անիւները կպան գետնին, դուրս եկանք օդանաւակայանից ու գնացինք տուն։

Ես շատ սպասելիքներ չունէի Հայաստանից, գիտէի, որ DIY (Do It Yourself) երկիր է, եթէ բան ես ուզում, դու պէտք է անես։

Բայց ես մինչեւ այսօր չեմ կարողանում նոյնիսկ երեւակայել, թէ ինչպէս կը լինէր իմ կեանքը, եթէ ես Հայաստանի փոխարէն ապրէի Եւրոպայում, կամ մնայի Սիրիայում։

Շատերին կը թուայ թէ այսօր երկար բարակ գրելու եմ, բայց իրականում ուղղակի ուզում էի ասել, որ երջանիկ եմ այս տխուր երկրում, տխուր եմ որ պէտք է այս երկիրը երջանկացնել եւ շնորհակալ եմ, որ ունեցել եմ ընկերներ, ովքեր ինձ բզել են, որ Եւրոպայից վերադառնամ Հայաստան եւ իմ երազանքները այստեղ իրականացնեմ։

Եթէ ունեմ մի ցանկութիւն այս պահին, դա այն է, որ տասը տարի յետոյ հրապարակեմ «քսան տարի Հայաստանում» գրառումը։

Մինչ նոր հանդիպում։

Ասանկ բաներ…

Պատասխանել մեյլով

Անցեալ օրը օֆիսի սերւէրների դարակի մօտ նստած գործ էի անում։ Մեր դարակը միջին չափի է՝ 22U, ու դարակի գլխի վրայ դրել էի կարգիչս, միացրել էի երթուղիչին ու կարգաւորում էի ցանցը։

Ծրագրաւորողներից երկուսը մօտիկացան ինձ ու հարցրեցին թէ ինչ եմ անում, բացատրեցի՝ մակերեսային։ Մէկը էկրանիս էր նայում ու հարցրեց «էս վայրկեաններն էլ է՞ միացած»։

Ցոյց տամ՝

Ու պատասխանեցի «այո, այո՜, մի՛շտ»։ Գիտեմ, որ յաջորդ հարցը լինելու էր «իսկ ինչո՞ւ», սակայն չուզեցի երկար բացատրել։

Երբ ինձ հարցնում են «Լինուքս ե՞ս օգտագործում», ես պատասխանում եմ «ոչ, ես Իւնիքս եմ օգտագործում, որը…» ու մօտ կէս ժամ պատմում եմ Իւնիքսի մասին, BSD֊ների մասին, ու 30 րոպէում «խցկում» եմ 30 տարուայ պատմութիւն։

Այդ պատճառով էլ մի անգամից աւելացուցի «Շատ կարեւոր է, որ ճշտապահ լինեմ», որը ահագին հեգնական էր, քանզի կեանքում երբէք ճշտապահ չեմ եղել ինչ֊որ տեղ հանդիպելուց։

Սակայն հիմա բացատրեմ թէ ինչու եմ միշտ դնում վայրկեանները.

Իմ գործի մեծ մասը միշտ եղել է Օպս֊ութիւն անել, որի արդիւնքում կարդում եմ շատ քանակութեամբ ու շատ տողերով գրանցամատեաններ (log files), ու իհարկէ շատ քիչ է իմանալ, որ «ժամը 15:30 միացել է եւ Դատաբազան եւ վեբ ծրագիրը», շատ կարեւոր է իմանալ թէ որ վայրկեանին որն է միացել, ու նաեւ դա նշանակում է, որ երբ կենդանի (live) հետեւում եմ, ապա աչքս նայում է այս գրանցամատեանին, այդ գրանցամատեանին ու նաեւ իմ ժամացոյցին։

Ասանկ բաներ…

Պատասխանել մեյլով

Այս ամիս տեղի ունեցաւ Հայաստանի չորրորդ «Գրաւիր Դրոշը» խաղը։ Ովքեր տեղեակ չեն, դա հաքերների մրցոյթ է, Անգլերէն ասում ենք «Capture The Flag», որտեղ մասնակիցներին տրւում են մի շարք համակարգեր եւ խնդիրներ, որը իրենք պէտք է ջարդեն եւ լուծեն։

Ստացւում է, որ կազմակերպիչ եմ եղել Հայաստանի բոլոր Դրոշ Գրաւելու մրցոյթներին։

• CTFEVN֊ը առաջինն էր, 2017 թուականին, այդ ժամանակ աշխատում էի 1Guard ընկերութիւնում։
• ArmCTF֊ը տեղի է ունեցել 2018֊ին՝ ArmSec֊ի շրջանակներում, գլխաւոր կազմակերպիչն էր մեր ընկերութիւնը՝ illuria Security֊ին։
• CyHub CTF 2020, COVID-19֊ի պատճառով տեղի է ունեցել օնլայն, սակայն մասնակիցների մեծ մասը Հայաստանից էին։
• CyHub 1CAT CTF 2021, տեղի է ունեցել հիբրիդ՝ առցանց եւ տեղում, սակայն մասնակիցների մեծ մասը տեղում էին։

Այս տարի բացմանը մի քիչ տխուր էի։ Նկատեցի, որ ոչ մի աղջիկ ներկայ չէր։ Նման բան երբէք չէր եղել, բոլոր տարիների CTF֊ներին ունեցել ենք աղջիկներ։ Գրողը տանի, նոյնիսկ կազմակերպիչների մէջ միշտ կան աղջիկներ։

Փակման ժամանակ սակայն աւելի ուրախ էի, Լիլիթը միացել էր, հերիք չի իր խումբը զբաղեցրել էր 3֊րդ տեղը, նա՝ ամենարժէքաւոր խաղացողների 3֊րդ տեղը։

Այս տարի նաեւ որոշել էինք միաւորներ տալ Write-Up֊ների համար։ Եթէ կարողացել ես խնդիրը լուծել, հասկացել ես ինչ ա խնդիրը ու գրառել ես այն մասին, ապա քեզ միաւորներ ենք տալիս։

Ես ահագին ուրախացայ, երբ տեսայ որ Դաւիթը ոչ թէ միայն գրառել է ամենաբարդ խնդիրներից մէկի լուծման մասին, այլ նաեւ հրապարակել էր այդ իր բլոգում։

Յաջորդ Դրոշը Գրաւելու մրցոյթը, յոյս ունեմ, տեղի կունենայ մի քանի ամսից։ Այս անգամ աւելի շատ կենտրոնանալու ենք ուսանողների վրայ։

Ասանկ բաներ…

Պատասխանել մեյլով

Հանգիստ իմ համար Անի Պլազայում նստած եմ, մէկ էլ ինչ տեսնեմ ։Ճ

Ասանկ բաներ…

Պատասխանել մեյլով