Այո, լուրերը ճիշտ են՝ կազմակերպում ենք նոր Capture The Flag (գրաւիր դրօշը) մրցոյթ CyHub֊ի հետ։
Անցեալ տարի ուղիղ եթերով բլոգում էի թէ ինչպէս եմ կարգաւորում սերւէրները եւ առաջադրանքները։ Այս տարի էլ նոյն եմ անելու CyHub CTF 2023 պիտակի տակ։
Մի՛նչ։
Փաստօրէն արդէն Հայաստան է հասել թուային մենիւները։ Ես մի տեսակ զարմացած եմ եւ իրականում տխուր։ Գիտեմ, բոլորին անսպասելի է, որ նման բան կարող է ասեմ։
Բացատրեմ.
Մտել ենք Կօֆէի սիրած վայրերից մէկը՝ Future Diner, որը Երեւանի լաւագոյն վեգան ճաշարաններից մէկն է։ Չնայած նրան, որ միշտ պատուիրում ենք իրենց մօտից ուտելիքներ, երբէք ֆիզիկապէս չէինք եղել։
Մտնելուց անմիջապէս յետոյ երիտասարդ աշխատակիցն ասաց «մենիւի համար կարող էք սկանաւորել այս QR֊ները, ունենք հայերէն, անգլերէն եւ ռուսերէն մենիւներ»։
Իհարկէ, իմ համար սա բնաւ խնդիր չէր, քանզի հեռախօսս հետս էր։ Նկարեցի, ինչ֊որ մի անկապ կայք բացեց, նայեցինք։
Սակայն սա իրենից ահագին բան է ենթադրում, որը գուցէ միշտ չլինի յաճախորդի մօտ։ Յաճախորդը պէտք է ունենայ
Ես եղել եմ ժամանակին մարդ, ով չի ունեցել հեռախօս։ ով ունեցել ա հեռախօս առանց կամերայի։ ով ունեցել ա խցիկով հեռախօս բայց չի հասկացել QR֊ներ։ ով … (եւ այլն)
Արդէն հասկացաք, թէ ինչու եմ տխուր։
Ու նաեւ ունեմ բազմաթիւ ընկերներ, ովքեր մինչ օրս չունեն հեռախօս, կամ արի ասենք՝ խելախօս։
Սա իհարկէ եթէ նայում ենք խնդիրներին հասանելիութեան առումով։
Իսկ եթէ նայենք մեր ուժերից վեր ու մեզնով չլուծուող խնդիրների տեսակէտից՝
Սրանք ամենայաճախ հանդիպող դէպքերն են, չեմ թուարկում այն դէպքերը, որ հնարաւոր է լինեն, բայց “հազարից մէկ”։
Նոր մատուցողի հետ էի խօսում եւ իրեն հարցուցի՝ իսկ ի՞նչ եթէ յաճախորդը չունի խելախօս, նա ասաց «էդ դէպքում տրամադրում եմ իմ կամ ճաշարանի հեռախօսը»
Ես իհարկէ հասկանում եմ, թէ ինչու է մարդկանց «քուլ» թւում նման բաները։ Մի կողմից (մեզ թւում է թէ) բնութեանը օգուտ ենք տալիս (դա իրականում հարցական է, ոչ մի հետազօտութիւն չկայ, որ հաստատում է դա), միւս կողմից էլ դէ շատ ժամանակակից է թւում, նայի՛, նայի՛, նկարում ես ու տեսնում նկարներ ու թուէր։
Մի կողմից էլ մտածում եմ, գոնէ QR֊ը յղէր դէպի իրենց կայք, նենց չի որ պատուիրում ես կայքով, ուղղակի նայում ես։
Ասանկ բաներ…
ահագին ժամանակ է ինչ «ցանցառներ ռադիօ»֊ի հոսքը գոյութիւն ունի, սակայն բազմաթիւ մարդիկ խնդրել էին որ աշխատի նաեւ Google Podcast֊ում եւ Spotify֊ում։
Իրականում մեր RSS հոսքը հերիք է, որ մարդիկ կարողանան լսել, բայց արի ու տես որ Spotify֊ը չի ընդունում RSS հոսքեր իրենց ծրագրի մէջ ու պէտք է անպայման իրենց կայքում դիմում գրեմ։ Նոյն պէս էլ Google֊ը։
Էս շաբաթ երեւի նստեմ էս հարցերը լուծեմ, որ հասանելի լինի բոլորին, չնայած նրան որ հասանելի է, բայց էս համակարգերը մարդկանց թոյլ չեն տալիս «այգուց դուրս» նայել։
Յետոյ էլ ասում են թէ Խնձորն է փակ համակարգ, արի ու տես որ iOS֊ի ու macOS֊ի Podcasts ծրագիրը ամենա֊ազատն է աշխատում, առանց սահմանափակումների, ընդամէնը RSS հոսքով։
Մեր զրուցարաններից մէկում նոր քննարկում էինք, թէ իրականում ինչքան բարդ է մեր համար Հայերէն թարգմանել տարբեր ծրագրեր։
Օրինակ՝ դաշնեզերքի համայնքը ահագին ժամանակ առաջ թարգմանել էր Mastodon֊ի վեբ ծրագիրը Հայերէն, սակայն դասական ուղղագրութեամբ, օրինակ Favorites֊ը ցոյց ա տալիս Հաւանածներ, ոչ թէ հավանածներ։
Ահագին ժամանակ է թարգմանում եմ NetNewsWire ծրագիրը Հայերէն՝ դասական ուղղագրութեամբ ու դեռ չեմ հասել կոդը գրելուն, բայց մտածեցի, տեսնես XCode֊ը սպասարկում ա՞ բազմալեզու համակարգեր։
Իրականում, աւելի լաւ է սպասարկում, քան բազմաթիւ համակարգերում, օրինակ Siskin IM ծրագրի կարգաւորումների մէջ (սա հենց Settings֊ի մէջ է, այսինքն նոյնիսկ ծրագիրում կոճակներ ստեղծել պէտք չի, այլ հենց Settings֊ից կարող ես փոխել լեզուն) տեսայ որ մի քանի լեզու է սպասարկում.
Ահ, այսինքն կը կարողանամ մի քանի լեզու աւելացնել, առանց ինչ֊որ կոճակներ աւելացնելու։ Հրաշալի՛։
բայց մեր գլխաւոր խնդիրն այն էր, որ մենք ոզում ենք ունենալ ե՛ւ դասական ուղղագրութեամբ, ե՛ւ արդի ուղղագրութեամբ։
Պարզւում է, որ XCode֊ի Localization֊ում կայ երկու հատ Հայերէն.
Հրաշալի, ուրեմն կը կարողանանք երկուսն էլ սպասարկել, երբ թողարկենք մեր թարմացումները (։
Ասանկ բաներ…
Տուն գնալու ճանապարհին ասեցի կօֆէին «դէ արի մտնենք Սարեանի Հայկ սուրճի բովարան» ու իհարկէ, ինչպէս միշտ, բարմենն ասաց «ձեր ընկերները ներսում են»։
Մտանք ներս ու տեսանք, որ իսկապէս մեր ընկերները այստեղ են ։Ճ
Այսպիսով ստացուեց պատահական հանդիպում Սարեանցիներով, Սարեան փողոցի վրայ։
Նկարները նախ երեւացին Photos by Antranig ցօգում։
Ասանկ բաներ…
Ivory 1.0՝ Mastodon֊ի սպասառու Tapbots֊ի կողմից
Ընդամէնը մի քանի ժամ առաջ Tapbots֊ը հրապարակեց Ivory սպասառուն Mastodon֊ի սպասարկիչների համար:
Ես ահաւոր ուրախ եմ: Փաստացի, նոյնիսկ այսքան սկզբնական վիճակում շատ լաւ է աշխատում ծրագիրը: բայց մի տեսակ սպասելի էր, հաշուի առնելով, որ Tapbots֊ենք Twitter֊ի ամենալաւ սպասառուի ստեղծողներն են եղել:
Շատ «տանն» եմ զգում ինձ Ivory֊ի հետ:
Իհարկէ, վճարովի է, $2/ամիսը կամ $15/տարին: Բայց տեսնելով թէ ինչ աշխատանք են տանում, ապա հաստատ արժի:
Ես մտածում էի թէ իմ սեփական սպասարկիչը տեղակայելիս կ‘օգտագործեմ Pleroma/Akkoma, բայց տեսնելով թէ ինչ լաւն է Ivory֊ն ապա մտածում եմ Mastodon տեղակայելու մասին:
Մի տեսակ համացանցը հետ է գնում իր արմատներին:
Ու իհարկէ, այս պահը ինչ հրաշալի է՝
Ասանկ բաներ…
Մի տեսակ չեմ հաւատում, որ Մօզիլլայից մի քանի տարի եմ մեծ։ Այսինքն երբ ես մանկապարտէզում էի, աշխարհի էն կողմում մի խումբ մարդիկ պայքարում էին համացանցի եւ վեբի ազատութեան համար։
Շնորհաւո՛ր, Մոզիլլա։
Շնորհակալ եմ, Զաւինսկի։
Ինչպէս ասում են՝ ասեցի ու արեցի։
Եւ ահա, Photos By Antranig կայքը պատրաստ է։
Տեխնիկական տուեալները.
@antranigv@photos.antranigv.amԴեռ չեմ աւելացրել յղումը ամէն տեղ, բայց շուտով դա էլ կանեմ։
Յոյս ունեմ կը հաւանէք աշխարհը իմ աչքերով
Ասանկ բաներ…
այս տարի ահագին գործ կայ անելու։ Սկսեմ թուարկել հերթով
գիտեմ, շատ բան չեմ գրել ու դա դիտմամբ է տենց։ բայց եթէ այս հինգից երեքն էլ իրականանան ապա ահագին գոհ կը լինեմ։
կը փորձեմ ամէն երեք ամիսը մէկ հետ գալ այս ցուցակին ու տեսնել, թէ ուր ենք հասել։
Ասանկ բաներ…
յ.գ. ներեցէք ուղղագրական սխալները, գրառել եմ այՓադով
Երկու տարի առաջ գրառել էի թէ ինչ եմ օգտագործում, ստեղծելով մի էջ, որտեղ մանրամասն նշուած է իմ սարքաւորումները ինչպէս նաեւ ծրագրերը։
Վերջին անգամ էջը թարմացրել էի 2021 թուականի Յունվարին։
Իսկ մի քանի օր առաջ հրապարակեցի իմ oblox համակարգի ելատեքստը oblox.bsd.am կայքում։
Եւ այպիսով, ահա, թարմացուած եւ oblox֊ով գեներացուած What I use.
Ասանկ բաներ…